Ο Andrea Marasco παραδίδει τον γιο του, Marco, στον κουρέα Alberto για να τον υπηρετεί έναντι δύο υπερπύρων το χρόνο, τα οποία θα εισπράττει ο πατέρας. Ο τελευταίος έλαβε 2 1/2 υπ. από τους ετήσιους μισθούς του γιου του.

Die sexto decimo intrante. Manifestum facio ego Andreas Marasco habitator in Candida quia cum meis heredibus affirmo tecum Alberto barberio habitatore in Candida et tuis heredibus unum meum filium nomine Marcum, tali quidem modo et ordine, quod ipse stare et manere debeat tecum in tuis serviciis et de tua arte barberie et tibi fideliter servire et tuas res custodire et observare secundum suum posse. Et si a te et tuo servicio fugam lapsus fuerit, ipsum apprehendere possis et debeas sine misso alicuius dominacionis. Et de quantocumque foris steterit a te et tuo servicio steterit, de tanto tibi in duplo servire teneatur. Et ipsum concedentem corigere debeas verbis et verberacionibus. Et si de tuo aliquid furtive acciperet, totum tibi reddere tenear. Sciendum est quod pro mercede ipsius michi dare debes annuatim yperpera duo, de quibus iam recepi duo yperpera et dimidium, de quibus te reddo securum. Si interim, quod Deus advertat, quod idem filius meus viam universe carnis ingredetur et tunc teneor tibi reddere totum superfluum de eo quod tibi servivit.