Ο δούκας Κρήτης παραχωρεί στον Ugolino de Prando δύο σερβενταρίες στις τούρμες Κισάμου και Σελίνου, τις οποίες κατείχε ήδη

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus damus et concedimus Ugolino de Prando habitatori Chanee et eius heredibus duas suas sergentarias, quas ipse possidet et tenet, in iurisdicione Chanee, videlicet in Chissamo et Arena, cum omnibus ipsarum duarum sergentariarum habenciis, pertinenciis et villanis post clamorem inde factum secundum usum hic Candide et Chanee, ut habuimus per litteras nobilis viri Ubaldini Iustiniano rectoris Chanee. Ipse vero Ugolinus tenetur predictas duas sergentarias defendere et varnire personaliter. Tenetur eciam de fidelitate et ceteris capitulis, ut superius. Actum anno Domini millesimo trecentesimo quartodecimo, mense iunii, die decimoseptimo, indicione duodecima. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.