Παραχωρούνται στον Marco Andrea δύο σερβενταρίες στις τούρμες Κισάμου και Σελίνου, τις οποίες κατείχε ήδη, με διασφάλιση των δικαιωμάτων που διατηρεί ο Gabriele Cataldo, ο οποίος εκτελεί τη varnitio για τις σερβενταρίες αυτές

Nos Marinus Baduario milex ducha Crete cum nostro consilio notum volumus fieri universis presentem paginam inspecturis, nos a viro nobili Ubaldino Iustiniano rectore Chanee recepisse litteras in hac forma, egregio et potenti milliti domino M. Baduario honorabili ducha Crete et eius consilio Ubaldinus Iustiniano rector Chanee salutem prosperam et felicem, cum modo nuper Marcus Andreas comparvit Chanee et velit quod due sue sergentarie, quas ipse habet in Kyssamo et Arena, sint sibi scripte, dominacionem vestram precor, ut dictas duas sergentarias supradictum Marcum Andream scribi facere vos velitis salvis iuribus, quas habet Gabriel Cataldo super dictum Marcum Andream, qui Gabriel facit varnicionem pro dictis serventariis. Quapropter damus et concedimus suprascripto Marco Andrea et eius heredibus suprascriptas suas duas sergentarias, positas in Kyssamo et Arena, post clamorem inde factum secundum usum cum omnibus ipsarum sergentariarum duarum habenciis, pertinenciis et villanis, salvis iuribus que haberet dictus Gabriel super dictum Marcum Andream, ut superius dictum est. Ipse vero Marcus Andreas tenetur de fidelitate domino nostro duci Veneciarum, nobis et successoribus nostris imperpetuum et eciam secundum tenorem concessionis et capitulare millitum Crete. Actum anno MCCCXIIII, mense iulii, die primo, indicione XIIe. Ego Egidius de Iordano diaconus Sancti Gemini notarius de mandato suprascripti domini duche et sui consilii scripsi. Scripte sunt modo Gabrieli Cataldo ex alia parte huius folii.