Παραχωρούνται στα αδέλφια Costantino και Pietro Navager δυόμισι καβαλαρίες στις θέσεις Κεραμέα, Καρύδι και Αρμένοι, οι οποίες ανήκαν στον πατέρας τους Giovanni. Σημειώνεται ότι η καβαλαρία στη θέση Καρύδι είναι εκμισθωμένη από τους εκτελεστές στης διαθήκης του μακαρίτη Giovanni Navager στον Giovanni Pagano.

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus damus et concedimus Constantino et Petro Navaglaro fratribus filiis quondam Ιohannis Navaglaro habitatoribus Chanee kavallarias duas et dimidiam, positas in iurisdicione Chanee, que fuerunt quondam predicti eorum patris, de quibus una posita est in loco vocato Cheramea, altera in loco vocato Charidhi et dimida posita est in loco vocato Armeni, cum omnibus ipsarum duarum milliciarum et dimidie habenciis, pertinenciis et villanis post clamorem inde factum secundum usum hic Candide et Chanee, ut habuimus per littteras nobilis viri Ubaldini Ιustiniano rectoris Chanee, salvo tamen iure Iohannis Pagani habitatoris Chanee, qui pro se dici fecit hic Chandide super clamorem dictarum duarum milliciarum, quod ipse habet unam de predictis milliciis ad affictum, videlicet illam de Caridhi, a commissariis suprascripti quondam Iohannis Navaglaro tempore pacis, de quo dicit se habere publicum instrumentum. Tenentur itaque dicti Constantinus et Petrus Navaglaro fratres suprascriptas duas kavallarias et dimidiam defendere et varnire secundum consuetudinem Chanee. Tenentur eciam de fidelitate domino nostro duci Veneciarum, nobis et successoribus nostris imperpetuum et cetera, secundum quod continetur in concessione et capitularis millitum Crete. Actum anno Domini MCCCXIIII, mense iulii, die XIIo intrante, indicione XIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.