Παραχωρούνται στον Pietro de Arvasio του ποτέ Giacomo κάτοικο Χανίων τέσσερις σερβενταρίες στην τούρμα Άρνας στις θέσεις Καμπανού, Κεραμέα και Καλάμι, οι οποίες ανήκαν στον πατέρα του.

Nos Marinus Baduarius milex ducha Crete cum nostro consilio notum facimus universis presentem paginam inspecturis, quia cum nostris successoribus damus et concedimus Petro de Arvasio filio quondam Ιacobi de Arvasio habitatori Chanee sergentarias quatuor predicti quondam Ιacobi patris sui in iurisdicione Chanee, videlicet in Arna in Cambanu, Cheramea et Calami, cum omnibus ipsarum quatuor sergentariarum habenciis, pertinenciis et villanis post clamorem inde factum secundum usum hic Candide et Chanee, ut habuimus per litteras nobilis viri Ubaldini Ιustiniano rectoris Chanee. Tenetur itaque ipse Petrus de Arvasio predictas sergentarias quatuor defendere et varnire secundum consuetudinem Chanee. Τenetur eciam de fidelitate domino nostro duci Veneciarum, nobis et successoribus nostris imperpetuum et cetera secundum tenorem concessionis et capitulare millitum Crete. Actum anno MCCCXIIII, mense iulii, die XVo intrante, indicione XIIe. Ego Egidius de Ιordano diaconus Sancti Geminiani notarius de mandato suprascripti domini duche et sui consilii scripsi.