Παραχωρείται στον Giovanni Pagano μιάμιση σερβενταρία στην τούρμα της Άρνας, την οποία κατείχε ήδη

Nos Marinus Baduario milex ducha Crete cum nostro consilio notum volumus fieri cunctis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes quod, cum Ιohannes Paganus ibi Chanee fecerit stridari unam suam sergentariam et dimidiam, positam in Arena, secundum ordinem per nos datum et nullus comparverit qui voluerit aliquid dicere super eam, nos rogabat, quatenus dictam sergentariam unam et dimidiam eidem Ιohanni in catastico scribi facere nos vellemus. Quapropter post clamorem inde factum secundum usum hic Candide nemine comparente, damus et concedimus suprascripto Ιohanni Pagano et eius heredibus suprascriptam sergentariam unam et dimidiam, positam in Arena, cum omnibus suis habenciis, pertinenciis et villanis. Quam quidem sergentariam unam et dimidiam idem Ιohannes Paganus tenetur defendere et varnire secundum consuetudinem Chanee. Τenetur eciam de fidelitate domino nostro duci Veneciarum, nobis et successoribus nostris imperpetuum et cetera. Actum anno Domini MCCCXIIII, mense septembris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.