Παραχωρούνται στα αδέλφια Pietro και Zannino Veneziano γιους του ποτέ Antonio, ύστερα από αίτηση της μητέρας τους Beatrice, δύο σερβενταρίες στη θέση Σκουτελώνας, οι οποίες ανήκαν στον πατέρα τους.

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum Beatrix Veneciana relicta Antonii Veneciani vellet quod due sergentarie quondam dicti Antonii, positas ad Scutellonam, cuius Antonii ipsa Beatrix est commissaria, scriberentur super fillis suis, Petro et Çanino Veneciano, secundum ordinem per nos datum, que sergentarie ibi Chanee exclamate fuerunt et nullus comparvit, qui diceret super eis, nos rogabat, quatenus dictas sergentarias super dictis pueris scribi facere nos vellemus. Quapropter damus et concedimus suprascriptis Petro et Çanino Veneciano fratribus suprascriptas sergentarias duas, positas ad Scutellonam, cum omnibus ipsarum sergentariarum habenciis, pertinenciis et villanis post clamorem inde factum secundum usum hic Candide nemine comparente. Quas quidem sergentarias duas ipsi tenentur defendere et varnire secundum consuetudinem Chanee. Tenentur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini MCCCXIIII, mense septembris, indicione XIIIe.