Παραχωρούνται στον Marco, Nicola και Lorenzo de Vigna του ποτέ Pietro τρεις σερβενταρίες στην τούρμα Κισάμου στις θέσεις Γωνιά και Κουμούλι, και στην τούρμα Άρνας στη θέση Ζυμβρού, οι οποίες ανήκαν στον πατέρα τους

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum heredes Petri de Vinea, videlicet Marcus, Nicolaus et Laurencius fratres, secundum usum ibi Chanee fecerunt clamari tres suas sergentarias, positas in Kissamo ad Lagoniam et ad Cumuli et in Arena ad Sembru, et nullus comparverit qui diceret super eas et dicti pueri vellent quod super eis dicte serventarie scriberentur Candide, nos rogabat quatenus ipsas sergentarias supra dictos Marcum, Nicolinum et Laurencium scribi facere nos vellemus. Quapropter damus et concedimus suprascriptis Marco, Nicolao et Laurencio fratribus suprascriptas sergentarias tres cum omnibus ipsarum habenciis, pertinenciis et villanis post clamorem inde factum secundum usum hic Candide nemine comparente et Chanee, ut dictum. Quas quidem sergentarias ipsi Marcus, Nicolaus et Laurencius tenentur defendere et varnire secundum consuetudinem Chanee. Tenentur de fidelitate domino nostro duci Veneciarum, nobis et successoribus nostris imperpetuum et cetera. Actum anno MCCCXIIII, mense septembris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi