Παραχωρούνται στον Tommasello Peccatore κάτοικο Χανίων δύο σερβενταρίες στη θέση Αλμυρός, τις οποίες κατείχε ήδη

Nos Marinus Baduario milex ducha Crete cum nostro consilio notum facimus universis presentem paginam inspecturis, quia damus et concedimus Thomadello Peccatore habitatori Chanee duas suas sergentarias, quas ipse habet, positas in Armiro, cum omnibus ipsarum sergentariarum habenciis, pertinenciis et villanis post clamorem inde factum secundum usum hic Candide et Chanee, ut habuimus tam per litteras nobilis viri Ubaldini Iustiniani, quam per litteras nobilis viri Blasii Geno nunc rectoris Chanee. Quas sergentarias duas ipse Thomadellus tenetur defendere et varnire. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini MCCCXIIII, mense septembris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi