Παραχωρούνται στον Giacomello Cristiano του ποτέ Leonardo δύο σερβενταρίες στις τούρμες Κισάμου και Άρνας, οι οποίες ανήκαν στη γυναίκα του Elena και παλαιότερα στον Giovanni de Prando, και δύο σερβενταρίες στην τούρμα Άρνας στη θέση Καλάμι και στις θέσεις Ακρωτήρι Σπάθα και Κεραμέα, οι οποίες ανήκαν στον πατέρα του.

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras, in una quarum continebatur inter cetera, quod cum Helena uxor Iacobelli Christiano vellet quod due sergentarie, posite in turma Kyssami et Arene, que quondam fuerunt Iohannis de Prado, scriberentur supra dictum virum suum, que fuerunt stridate secundum usum et nullus comparvit, qui diceret super eis, nos rogabat, quatenus dictas duas sergentarias supra dictum Iacobellum scribi facere vellemus, in altera quidem continebatur, quod cum due sergentarie ipsius Iacobelli, posite in Arena ad Calami, ad Pontam Spate et ad Cherameam ibi Chanee, iam diu forent stridate et nullus comparverit super eis, que sergentarie fuerunt Leonardi Christiani quondam patris dicti Iacobelli, et dictus Iacobellus vellet, quod scriberentur super eum ipse sergentarie hic Candide, nos rogabat, quatenus easdem sergentarias suprascripto Iacobello scribi facere vellemus. Quapropter damus et concedimus sepedicto Iacobello Christiano et eius heredibus prenominatas sergentarias quatuor, videlicet duas suprascripte uxoris sue et duas dicti patris sui, cum omnibus earumdem sergentariarum omnium habenciis, pertinenciis et villanis post clamorem inde factum secundum usum hic Candide nemine comparente. Quas quidem sergentarias quatuor antedictus Iacobellus tenetur defendere et varnire secundum consuetudinem Chanee, tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini millesimo trecentesimo quartodecimo, indicione terciadecime, mense septembris, in qua quidem concessione duarum sergentariarum dicti quondam patris sui intelligatur salva racione Çanini fratris sui dicti Iacobelli. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi