Παραχωρείται στον "νόθο" Giovanni di Ruggiero μια σερβενταρία στις τούρμες Κισάμου και Άρνας, την οποία είχε κληρονομήσει από τη Maria di Ruggiero.

Nos Marinus Baduario milex ducha Crete cum nostro consilio notum facimus cunctis presentem paginam inspecturis, nos a viro nobili Blasio Geno rectore Chanee recepisse litteras inter alias continentes, quod cum iam diu ibi Chanee foret exclamata quedam sergentaria Iohannis de Rogerio naturalis, posita in Kyssamo et in Arena, quam sibi dimisit per testamentum Maria de Rogerio, et nullus comparverit, qui diceret super ea, et dictus Iohannes vellet quod ipsa sergentaria scriberetur supra eum, nos rogabat, quatenus dictam sergentariam supra ipsum Iohannem de Rogerio scribi facere nos vellemus. Quapropter post clamorem inde factum secundum usum hic Candide et Chanee, ut dictum est, damus et concedimus antedicto Iohanni de Rogerio et ipsius heredibus sepedictam sergentariam, sic sibi dimissam per testamentum, cum omnibus ipsius sergentarie habenciis, pertinenciis et villanis. Quam quidem idem Iohannes tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et cetera. Actum anno millesimo trecentesimo quartodecimo, die septimo intrante, mense octubris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi