Παραχωρείται στον Paoletto da Molin γιο του ποτέ κήρυκα Giovanni μια σερβενταρία στην περιοχή του Ψυχρού στη θέση Μαθές, η οποία ανήκε στον πατέρα του

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum ibi Chanee foret stridata quedam sergentaria quondam Iohannis de Molino preconis, posita ad Mathea in Psicro, et nullus comparverit qui diceret super ea, nos rogabat, quod ipsam sergentariam super Pauletum filium et heredem dicti Iohannis scribi facere vellemus. Quapropter post clamorem inde factum secundum usum hic Candide et Chanee, ut dictum est, damus et concedimus suprascripto Pauleto de Molino et eius heredibus antedictam sergentariam predicti quondam patris sui cum omnibus ipsius habenciis, pertinenciis et villanis. Quam quidem idem Pauletus tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum. Anno Domini millesimo trecentesimo quartodecimo, mense octubris, indicione terciadecime. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi