Παραχωρείται στον Graziano Zorzi γιο του ποτέ Pietro μια καβαλαρία και μια σερβενταρία στις τούρμες Κισάμου και Άρνας, τις οποίες είχε αγοράσει από τον Marco Grecolo. Ο τελευταίος τις είχε κληρονομήσει από τη Maria de Ruggiero

Nos Fantinus Dandulo de mandato illustris domini ducis Veneciarum ducha Crete cum nostro consilio et successoribus nostris damus et concedimus Graciano Georgio filio quondam Petri Georgii kavallariam unam et serventariam unam, positas in districtu Chanee in turma Kissami et Arne, cum omnibus suis habenciis, pertinenciis et villanis, que fuerunt quondam Marie de Rogerio, quas vendidit dicto Graciano Marcus Greculo, in quo dicta kavallaria et serventaria devenerunt per testamentum dicte quondam Marie de Rogerio, post clamorem inde factum hic Candide et Chanee secundum usum, sicut constitit nobis per litteras nobilis viri Blasii Geno rectoris Chanee. Tenetur quidem dictus Gracianus dictam kavallariam et serventariam defendere et varnire personaliter secundum consuetudinem Chanee, et iuravit fidelitatem domino nostro duci, nobis et successoribus nostris et capitulare obediencie, concessionem et varnitionem et cetera capitula iuxta usum. Actum anno Domini millesimo trecentesimo quintodecimo, mense ianuarii, die penultimo, indicione quartadecima. Ego Iacobus de Iordano notarius et cancellarius Crete de mandato dicti domini duche et eius consiliarii predicta scripsi.