Παραχωρείται στον Marco Μedici κάτοικο Χανίων μια σερβενταρία στην τούρμα Κισάμου στις θέσεις Καβιλιανά στα Μεσόγεια και Artichia de Pachinoto, την οποία είχε αγοράσει από τον Marco Calbani έναντι 210 υπερπύρων

Nos Nicolaus Çane ducha Crete cum nostro consilio notum facimus universis, quod a nobili viro Andrea Geno recepimus rectore Chanee recepimus litteras in hac forma, egregio et potenti viro domino Nicolao Çane honorabili duche Crete et eius consilio Andreas Geno rector Chanee salutem prosperam et felicem, cum hic Chanee iam pluribus diebus elapsis fecerim exclamari et puto Candide fieri vos fecistis, quod si qua persona haberet quid facere vel dicere super unam serventariam Marci Calbano et posita in turma Kissami ad Caviliana in Mesolia et in Artichia de Pachinoto, comparere deberet infra dies quindecim et nullus comparverit dominationem vestram precor ut dictam serventariam supra Marcum Medici habitatorem Chanee scribi facere vos velitis, si ibi non comparvit qui diceret super ea cognoscere, quia dictus Marcus Calbani dictam serventariam venditam dicto Marco Medici pro yperperis ducentis decem. Datum die undecimo novembris, indicione prima. Quare cum dicta serventaria stridata fuerit hic Candide secundum usum et nullus comparverit qui clamaverit super ipsam, damus et concedimus dictam serventariam, positam in turma Kissami ad Caviliana in Mesolia et in Artichia de Pachinoto ipsius Marci Calbani suprascripto Marco Medici et eius heredibus cum omnibus suis habenciis, pertinenciis et villanis. Quam quidem ipse Marcus Calbani vendidit dicto Marco Medici sicut in dicti rectoris litteris continetur. Tenetur autem idem Marcus dictam serventariam defendere et varnire personaliter secundum consuetudinem Chanee, et iuravit fidelitatem domino nostro duci, nobis et successoribus nostris et capitulare obediencie, concessionem et varnicionem et cetera capitula iuxta usum. Actum anno Domini millesimo trecentesimo decimo septimo, mense novembris, die quinto exeunte, indicione prima. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.