Παραχωρείται στον Marco Darmer μισή καβαλαρία στην τούρμα Ψυχρού στη θέση Καλαμίτσι και στην τούρμα Κάτω Σιβρύτου στη θέση Αρμός, την οποία είχε αγοράσει σε δημόσιο πλειστηριασμό έναντι 240 υπερπύρων και η οποία ανήκε στον Enrigacio Gradenigo

Nos Iustinianus Iustiniano de mandato illustris domini ducis Veneciarum ducha Crete cum nostro consilio notum facimus, quod a nobili viro Marco Bellegno rectore Chanee recepimus litteras in hac forma, egregio et potenti viro domino Iustiniano Iustiniano honorabili ducha Crete et eius consilio Marcus Bellegno rector Chanee salutem prospreram et felicem, cum Marcus Armarii lator presentium emerit per incantum dimidiam miliciam quondam Henrigacini Gradonico, positam ad Calamici in Pisicro et ad Cato Sivritum in Armo, cum omnibus suis habenciis, pertinenciis et villanis post clamorem inde factum hic Chanee et Candide secundum usum, videlicet pro yperperis ducentis quadraginta, dominationem vestram precor, quatenus dictam dimidiam miliciam supradictum Marcum scribi facere vos velitis, rescribentes michi quo modo sibi scripta erit, ut hic Chanee sibi similiter scribere faciam. Datum die Xo decembris, indicione tercia. Quare damus et concedimus dicto Marco Armarii et eius heredibus dictam mediam miliciam quondam Henrigacini Gradonico, positam ad Calamici in Pisicro et ad Cato Sivritum in Armo, cum omnibus suis habenciis, pertinenciis et villanis, postquam emit per incantum post clamorem inde factum et hic Candide et eciam Chanee secundum usum, sicut in litteris dicti rectoris plenius continetur. Tenetur autem dictus Marcus dictam mediam miliciam defendere et varnire personaliter secundum consuetudinem Chanee, et iuravit fidelitatem domino nostro duci, nobis et successoribus nostris et capitulare obediencie, concessionem et varnicionem et cetera capitula iuxta usum. Actum anno Domini millesimo trecentesimo decimo nono, mense decembris, die quintodecimo intrante, indicione tercia. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.