Παραχωρείται στον ευγενή Filippo da Molin μια σερβενταρία στην περιοχή Μάλεμε, την οποία είχε αγοράσει σε δημόσιο πλειστηριασμό. Η σερβενταρία είχε πουληθεί για να εξοφληθεί η προίκα της Marizoli χήρας του Giorgio Caldera, στον οποίο ανήκε η σερβενταρία.

Nos Iustinianus Iustiniano ducha Crete cum nostro consilio notum facimus universis, quod a nobili viro Marco Bellegno rectore Chanee recepimus litteras in hac forma, egregio et potenti viro domino Iustiniano Iustiniano honorabili ducha Crete et eius consilio Marcus Bellegno rector Chanee salutem prosperam et felicem, cum per solvenda repromissa Mariçoli, relicte Georgii Caldera, deliberaverim unam serventariam nobili viro Phylippo de Molino quondam eiusdem Georgii, positam in pertinenciis Maleme, cum omnibus suis habenciis, pertinenciis et villanis, dominationem vestram rogo, quatenus dictam serventariam suprascripto nobili Phylippo in catastico vestro Candide, ut est dictum, scribi facere velitis, rescribentes michi, si placet, modum catasticationis, ut de hinc similiter dictam servnetariam predicto nobili Phylippo in catastico Chanee scribi facere valeam ordinate. Datum die tercio iunii, tercie indicionis. Quare damus et concedimus predicto Phylippo de Molino et eius heredibus supradictam serventariam dicti quondam Georgii Caldiera, positam in pertinenciis Maleme, cum omnibus suis habenciis, pertinenciis et villanis post clamorem inde factum secundum usum, quam ei deliberavit dictus rector pro solvenda repromissa dicte Mariçoli relicte ipsius Georgii, sicut in predictis litteris eiusdem rectoris vidimus contineri. Tenetur autem dictus Phylippus predictam serventariam defendere et varnire secundum consuetudinem Chanee, et iuravit fidelitatem domino nostro duci, nobis et successoribus nostris, capitulare obediencie, concessionem et varnicionem et cetera capitula iuxta usum. Actum anno Domini millesimo trecentesimo vigesimo, mense iunii, die decimo intrante, indicione tercia. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.