Παραχωρείται στον Matteo de Gribiva μια σερβενταρία στην τούρμα Άρνας στη θέση Κακοδίκι, την οποία είχε αγοράσει από τον ποτέ Giacomo de Caldiera

Nos Iustinianus Iustiniano ducha Crete cum nostro consilio notum facimus universis, quod a nobili viro Marco Bellegno rectore Chanee recepimus litteras in hac forma, egregio et potenti viro domino Iustiniano Iustiniano honorabili ducha Crete et eius consilio Marcus Bellegno rector Chanee salutem et tocius prosperitatis augmentum, cum serventaria una quondam Iacobi Caldiera, posita in turma de Arna in loco Cacodhichi, quam nunc habet et possidet Matheus de Gribiia, fuerit vendita eidem Matheo, hinc sibi ad huc non fuerit scripta in catastico et fuerit stridata Candide, secundum quod per vestras habui litteras, et hic eciam Chanee et evacuati sint omnes clamores hic Chanee facte super ipsam serventariam, dominationem vestram rogo, quatenus dictam serventariam eidem Matheo scribi facere velitis in catastico Candide, scribentes michi per litteras vestras catasticationem ipsam, ut simili modo eam scribi facere valeam in catastico Chanee. Datum die quintodecimo iulii, tercia indicione. Quare damus et concedimus dicto Matheo de Gribiia et eius heredibus suprascriptam serventariam dicti quondam Iacobi Caldiera, positam in turma de Arna in loco Cachodhichi, cum omnibus suis habenciis, pertinenciis et villanis post clamorem inde factum secundum usum et hic Candide et eciam Chanee, sicut in dicti rectoris litteris continetur. Quam quidem serventariam dictus Matheus tenetur defendere et varnire secundum consuetudinem Chanee, et iuravit fidelitatem domino nostro duci, nobis et successoribus nostris, capitulare obediencie, concessionem et varnicionem et cetera capitula iuxta usum. Actum anno Domini millesimo trecentesimo vigesimo, mense iulii, die vigesimo septimo, indicione tercia. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.