Η χάρη που παραχωρήθηκε από το συμβούλιο των 40 προς τον πρώην δούκα Κρήτης Vitale Michiel να καταβάλει τα χρήματα που απαιτούν οι avogadori di comun σε δύο δόσεις συζητήθηκε στο Μεγάλο Συμβούλιο.

Item cum non videretur domino duci nec parti consiliariorum quod pars capta inter XL non possit poni ad consilium et pars ipsorum consiliariorum inde dubitabat, sunt consiliarii accomunati ad talem partem silicet si videtur quod dicta pars capta inter XL possit poni in maiori consilio vel non, tenor partis autem capte inter XL non est iste, cum nobilis vir Vitalis Michael olim ducha cretensis offerat se domino duci et suo consilio bonam pleçariam tam de hominibus quam de tabulis occasione satisfaciendo pecuniam que ei petunt advocatores comunis cum ipse non habeat ad presens unde possit satisfacere eo quod sue arnesie et sui equi remanserunt in Creta. Capta fuit pars inter XL, quod accipiatur ab eo pleçaria sicut videbitur domino duci, consiliariis et capitibus de XL solvendo medietatem pecunie predicte usque ad medium et aliam medietatem infine medii anni recipiendo bonam securitatem a domino duci et commune de dicta pecunia et sicut captum de non.