Ο μοναχός Γεώργιος, οικονόμος της μονής των Σιναϊτών του Χάνδακα, εκμισθώνει στον Viviano de Piovan δύο μύλους, έναν στον χωριό Μακρυτείχος και ο άλλος στο χωριό Άγιος Νικόλαος, για δέκα χρόνια

Die XII intrante. Manifestum facio ego frater Georgius, yconomus et procurator fratrum Montis Synay de Candida, quia cum meis successoribus do, concedo atque afficto tibi Viviano de Plovan, habitatori in casali Sylopulo, habitatori in Candida, et tuis heredibus duo mollendina de iure suprascripti monasterii, unum est positum in casali Machrantico, aliud est positum in loco qui dicitur Sanctus Nicolaus, a modo usque ad decem annos complectos, cum plena virtute et potestate intromittendi, habendi, tenendi, possidendi et tuas utilitates in ipsis et ex ipsis faciendi, nemine tibi contradicente. Pro affictu suprascriptorum molendinorum per te vel per tuum missum dare et deliberare suprascripto monasterio omni mense usque ad suprascriptum terminum yperpera VIII. Teneris itaque omni anno usque ad suprascriptum terminum ad suprascripta mollendina suprascripto monasterio masinare somas furmenti LXXVIII sine aliquo dacio et etiam pitas duas singulis mensibus. Preterea sciendum est quod suprascripta mollendina teneris inculmine conservare ad tuas omnes expensas, preter quod quandocumque venerit ad faciendum rotas novas mollendini Macrantico, tunc suprascriptum monasterium solvere debet medietatem ipsarum expensarum. Rogatus complere et dare. Testes Marcus Avogaro et Thomas Traversario.