Εγκρίνονται στρατιωτικές δαπάνες για τον πόλεμο που διενεργεί η κυβέρνηση της Κρήτης εναντίον του επαναστάτη Αλέξιου Καλλέργη και των ακολούθων του.

[Die XXIII aprilis]. Item quod pro presenti guerra insule Crete cum Alexio Calergi et sequacibus suis dentur omni anno per istud comune duche et consiliariis Crete XIIII.m yperperorum usque ad guerram finitam tali conditione quod ipsi teneantur mittere ad accipiendum C ballistarios de ultra mare, quos ibi debeant continue retinere et quod stare debeant septem mensibus in anno in exercitu generali ultra scalas cum medietate hominum insule et dividendo ipsos menses sicut eis videbitur habito consilio sapientium, et debeant mitti predicta yperpera cum caravana augusti pro anno futuro et deinde in antea omni anno per caravanam augusti usque ad guerram finitam, et si dicta yperpera non erunt in toto vel in parte expensata, quando dicta guerra finietur, debeant pecunia non expensata mittere Veneciis quam cito potuerit bona fide, et non possint expendere dicta yperpera nisi pro dicta guerra presenti, et quod ducha non possit expendere quando erit in exercitu de dictis yperperis nec de alia pecunia comunis ultra decem yperpera per diem pro se et consiliariis suis et curia sua, et non possit nec debeat eis mitti aliqua pecunia ultra per istud comune nisi dicta yperpera. Et hec omnia addantur duche et consiliariis quod teneantur observare predicta et addatur in capitulari consiliariorum qui de cetero eligentur et illi qui nunc sunt teneantur isto consilio quod teneantur observare predicta, et si consilium est contra sit revocatum quantum in hoc.