Ο δόγης της Βενετίας Pietro Gradenigo ενημερώνει τον δούκα Κρήτης Nicola Sanudo ότι ο Tommasino Barbarigo εκλέχτηκε υπεύθυνος για το σφράγισμα του ψωμιού στον Χάνδακα με ετήσιο μισθό 18 υπέρπυρα, και τους ζητά να τον διορίσουν.

Petrus Gradonico Dei gratia Veneciarum et cetera, nobili et sapienti viro Nicolao Sanuto de suo mandato duche cretensi et nobilibus viris consiliariis eius, fidelibus suis dilectis salutem et dilectionis affectum, significamus vobis quod captum fuit die octavo aprilis huius octave indictionis in nostro maiori consilio quod discretus vir Thomasinus Barbadico de Creta sit bullator ad officium bullandi panem in Candida, quod officium habet solum yperpera decem et octo de salario. Nos igitur rogamus prudenciam vestram vobis per nos et nostrum consilium precipiendo mandantes, quatenus dicto Thomasino Barbadico dare dictum officium cum dicto salario debeatis. Fiant due, una clausa et una aperta, duche et consiliariis presentis et futuris. Data die ultimo aprilis VIIIe indicionis.