Ο δούκας Κρήτης Marco Dandolo παραχωρεί στον Giovanni Greco μία από τις τρεις σερβενταρίες του Giordanino de Lueri ως προίκα της συζύγου του, Tommasina κόρης του Giordanino.

Nos Marcus Dandulo duca cretensis cum nostro consilio damus et concedimus Iohanni Greco filio quondam Vilielmi de Clugia unam de tribus sergentariis, que fuerunt quondam Iordani de Lueri; quam ipse Iordanus, dum viveret, ei dedit pro repromissa Thomasine uxoris eius filie ipsius Iordani cum suis pertinenciis et villanis sub hac condicione, quod dictus Iordanus debebat facere varnicionem et defensionem semper pro predictis tribus sergentariis integre. Idem vero Iohannes tenetur solvere terciam partem omnium expensarum que fient tam pro varnicionem et defensionem earundem quam pro aliis expensiis necessariis faciendis pro ipsis. Actum anno MCCLXIII, mense ianuarii, die XIIII intrante, indicione VIIa.