Ο Biagio [Barozzi] για λογαριασμό του Πατριάρχη Κωνσταντινούπολης, Pantalone [Giustinian], νοικιάζει ακίνητα του Πατριαρχείου στους Pangrazio Todaldo και Giacomo Mudazzo.

Mense suprascripto. Blasius primicerius ecclesie Sancti Marci Cretensis, per virtutem et potestatem unius commissionis cartule testate et roborate facte anno ab incarnacione Domini nostri Ihesu Christi millesimo ducentesimo sexagesimo nono, mense aprilis, die XIIII exeunte, indicione XII Rivoalto, quam sibi fecit dominus Pantaleo permissione divina patriarcha Constantinopolis, ad locandum et concedendum sua et ecclesie Constantinopolis casalis et monasteria, que concedende et locande sint, cartulas securitatis et concessionis exinde faciendum sicut ipse tacere posset, ut inter cetera in ea legitur, dedit et concessit Pangracio Tothaldo habitatori in Candida illam terciam partem casalis Aurithe, que est de iure patriarcatus et ecclesie Constantinopolis, quam olim habuit, tenendo et possedendo Iohannes Quirino de confinio Sancti Pauli cum omnibus suis habenciis et pertinenciis ac molendinis eidem tercie parti pertinentibus, videlicet a kalendis novembris proxime venturis usque ad XV annos completos, ad solvendum annuatim hic in dicta Candida in testo Sancte Marie augusti yperpera in Creta currentia XXV. Si vero infra suprascriptum terminum inter Latinos et Grecos guerra superveniret, quod absit, talis quod casale predictum et loca vicina non possent propter guerram habitari nec coli, de reddendo affictu non tenetur donec guerra durabit. Verumtamen si ipsa guerra durante aliquid ex fructibus eiusdem tercie partis casalis Aurithe colligere poterit, dabit suprascripto domino patriarche et eius capitulo Constantinopolis vel eorum nuncio inde veram et integram medietatem, reliqua medietate in se retenta. Completo autem suprascripto termino XV annorum reddere debet in culmine dicte ecclesie Constantinopolis ipsam terciam partem casalis cum omnibus suis habentiis et pertinentiis. Pena inde est fictus in duplo. Testes Marcus subdiaconus Ruçero et Marinus Baronçi, et e converso idem Pangracius Tothaldo facit similem cartulam eisdem domino patriarche et capitulo Constantinopolis. Testes pro eo Iacobus Çampani et Marcus Flabani. Item idem idem primicerius dedit et concessit Iacobo Mudacio habitatori in Candida, filio quondam Petri Mudacii de confinio Sancte Agnetis per virtutem dicte commissionis III casalia patriarchates et capitali Constantinopolis, silicet Legordine, Gypsea et Pirgo cum omnibus eorum habenciis et pertinenciis et villanis eisdem casalibus pertinentibus a kalendis octobris nuper transactis usque ad XVIII annos completos ad solvendum annuatim ordine predicto yperpera in Creta currentia C et cetera ut dicitur superius. Testes Marcus Ruçero subdiaconiis et Marinus Baronçi et e converso idem Iacobus facit similem cartulam eisdem domino patriarche et capitulo Constantinopolis. Testes pro ipso Iacobo Mudacio, presbiter Iacobus.