Ο δούκας Κρήτης Marino Falier μαζί με τον σύμβουλό του B. Belegno παραχώρησαν στον Giovanni Trevisano μια καβαλαρία, που ανήκε στον ποτέ Gabriele Querini του Giacomo. Η πώληση πραγματοποιήθηκε σε συνεργασία με τον Giovanni Greco, πληρεξούσιο της Dalvina Zeno, εκτελέστριας της διαθήκης του Gabriele Querini.

Nos Marinus Faletro duca Crete cum nostro consilio manifestum facimus cum successoribus nostris quia damus et concedimus Iohanni Trivisano et eius heredibus imperpetuum antedictam miliciam, que olim fuit Gabrielis Quirino filii quondam Iacobi Quirino cum omnibus suis habenciis et pertinenciis atque villanis. Quam miliciam nos una cum viro nobili B. Belligno consiliario nostro et Iohanne Greco ipsi Iohanni Trivisano vendidimus auctoritate commissionis nobilis mulieris Dalvine Geno sororis et commissarie dicti Gabrielis Quirino. Quam miliciam ipse Iohannes Trivisano tenetur defendere personaliter. Iuravit itaque concessionem, varnicionem, manifestacionem, obedienciam et cetera capitula iuxta consuetudinem aliorum militum Crete. Hec itaque per nos et successores nostros rata et firma volumus permanere. Data anno MCCXLVIIIo, mense novembris, indicione VIIa, per manum Blasii Baronci primicerii Sancti Marci Crete, nostre curie cancellarii.