Ο δούκας Κρήτης Pietro Orio παραχωρεί στον Marino Calbo του ποτέ Stefano την καβαλαρία που κατείχε ο πατέρας του. Καταχωρίζεται και η βουργεζία στον Χάνδακα.

Nos Petrus Dauro duca cretensis cum nostro consilio et nostris successoribus manifestum facimus, quia damus et concedimus Marino Calbo filio quondam Stephani Calbo et eius heredibus suprascriptam miliciam, que fuit patris eius, cum omnibus suis possessionibus et villanis. Quam miliciam ipse tenetur defendere personaliter. Iuravit itaque concessionem, varnicionem, manifestacionem, obedienciam et quod non erit in aliqua comilitate et cetera capitula iuxta consuetudinem aliorum militum Crete. Hec igitur per nos et successores nostros rata et firma volumus perpetuo permanere. Data per manum Blasii Baronci primicerii Sancti Marci cretensis, nostre curie cancellarii. Anno MCCXLVIIII, mense februarii, indicione VIIIa. Hec est manifestacio facta per Marinum Calbo, consenciente domino Pe. Dauro duca Crete et eius consilio, salva tamen racione omnium, sicut in sequentibus continetur. Habeo domum et terram in civitate que habet per suam longuitudinem versus austrum et boream passus XVIII, versus orientem passus XV, versus occidentem passus XIII, et est pro duabus sergentariis.