Ο δούκας Κρήτης Marino Badoer παραχωρεί στον Nigro da Novarra και τον Giacomo Abramo, γιους της Giovanna [συζύγου του Ubertino da Novarra] μια σερβενταρία, η οποία ανήκε στον Ubertino da Novarra και είχε περιέλθει στην Giovanna μετά το θάνατο του συζύγου της με την έγκριση του τότε δούκα Marco Dandolo.

Nos Marinus Baduario miles ducha Crete cum nostro consilio et successoribus nostris damus et concedimus Nigro de Novaria et Iacobo Habramo filiis predicte Iohanne supradictam serventariam olim suprascripti Vertini de Novaria, silicet utrique eorum medietatem cum omnibus suis habenciis, pertinenciis et villanis. Quam serventariam predicta Iohanna, cui olim per dominum Marcum Dandulo tunc ducam Crete et eius iudices data fuit ipsa serventaria, pro solucione sui iudicatus, sicut constitit nobis per tenorem ipsius iudicatus, eisdem filiis suis dedit et transactavit. Quam quidem serventariam dicti Niger et Iacobus tenentur defendere et varnire. Et iuraverunt fidelitatem domino nostro duci, nobis et successoribus nostris et cetera capitula concessionis. Actum anno ab incarnacione Domini nostri Ihesu Christi MCCCXV, mense aprilis, die V intrante, indicione XIIIa. Ego Iacobus de Iordano notarius et cancellarius Crete de mandato predicti domini duche et eius consilii predicta scripsi.