O Nicola Pantaleone έδωσε στον Giovanni Fradello τη γη και τα αμπέλια που κατείχε στην περιοχή του χωριού Αϊτάνια και έλαβε το χωριό Στέρνες και το ένα τρίτο του χωριού Καμένη. Εγκρίνει ο δούκας Κρήτης Giacomo Tiepolo.

Nicolaus Pantaleo filius quondam Iacobi Pantaleo et Io. Fradello fecerunt permutacionem de terris suis, videlicet quod dictus Ny. dedit eidem Io. Fradello totam terram et vineas positas in territorio Atanie pertinentes medie sue milicie Atanie; que omnia pertinere debent modo suprascripte milicie de Cisterne. Et ipse Io. dedit eidem Ny. Pantaleo casale nomine Cisterne cum suis pertinenciis et terciam partem de casale nomine li Cameni, quam habebat pro ecclesiis; pro qua tercia parte Io. Fradello non tenetur in aliquo eidem Nicolao, sed dat ei tantum ius quod habebat de ipsa tercia parte, prout ei scripta erat in catastico; et hec omnia pertinere debent modo medie milicie Atanie dicti Ny. Actum consenciente domino Ia. Teupulo claris memorie domini L. Teupuli, inclitis ducis Veneciarum, filio ducha Crete eiusque consilio. Anno MCCLXXXXVII, mense augusti, die IIII exeunte, indicione Xa.