Ο Αλέξιος Καλλέργης έδωσε στον Giovanni Fradello το βιλάνο Εμμανουήλ Κουτσουρούμπη και έλαβε τον βιλάνο Κώστα Γαργανούδη. Εγκρίνει ο δούκας Κρήτης Guido da Canal.

Nos Guido de Canale ducha Crete cum nostro consilio notum fieri volumus universis quod viri nobiles Alexius Kalergi, ut nobis per suas litteras denotavit, et Iohannes Fradello de nostro consensu et voluntate talem concambium fecerunt, videlicet quod dictus Alexius dat predicto Iohanni infrascriptum villanum suum, silicet Hemanuelem Cuçurumbi cum filiis suis et cum racionibus quas habebat in eo Marinus Quirino, a quo ipsum habuit pro in cambio, ita quod predictus villanus sit eiusdem Iohannis amodo in antea de predicta milicia cum filiis et racionibus suprascriptis; ipse vero Iohannes dat predicto Alexio infrascriptum villanum suum, silicet Costam Garganudi cum suis heredibus, ita quod dictus Costa cum suis heredibus sit amodo in antea predicti Alexii de suis sergentariis de Scafis, et hoc concambium factum est salva omnium racione. Actum de mandato suprascripti domini duche et sui consilii per manum mei Benedicti Saxo notarii. Anno Domini MCCCVIII, mense marcii, die XXVIIII, indicione VIa.