Ο δούκας Κρήτης Marino Zeno παραχωρεί στον Nicola Abramo γιο του ποτέ Vitale μισή καβαλαρία, η οποία ανήκε στον πατέρα του.

Nos Marinus Geno ducha cretensis cum nostro damus et concedimus Nicolao Habramo filio quodam Vitalis Habramo maioris et eius heredibus mediam miliciam antedictam, que fuit predicti patris eius defuncti, cum suis habenciis, pertinenciis omnibus et villanis. Ipse vero tenetur eam defendere personaliter. Iuravit itaque fidelitatem domino nostro duci Veneciarum secundum tenorem concessionis militum, varnicionem, manifestacionem, capitulare obediencie et cetera capitula, prout consuetudo curie cretensis requirit. Hec igitur per nos et successores nostros rata et firma volumus perpetuo permanere. Actum anno MCCLXXIIo, mense novembris, die XII exeunte, indicione prima.