Ο δούκας Κρήτης Guido da Canal παραχωρεί στον Marino Abramo του Nicola δύο σερβενταρίες, τις οποίες είχε αγοράσει από την Maria και την Donata da Chioggia του Marino. Οι δύο σερβενταρίες υποθηκεύονται για 1.100 υπέρπυρα στο όνομα της Tommasina Abramo, μητέρας του Marino, για τα χρήματα που του είχε δανείσει για να τις αγοράσει.

Nos Guido de Canale ducha Crete et cum nostro consilio et successoribus nostris damus et concedimus Marino Habramo filio quondam Nicolai Abramo et eius heredibus duas serventarias de suprascripta milicia cum habenciis et pertinenciis suis omnibus ac villanis; quas serventarias ipse Marinus emit a Maria et Donata de Clugia filiabus quondam Marini de Clugia iperpera MC post stridacionem inde factam secundum usum. Ipse vero Marinus Abramo tenetur eas defendere et varnire, servire personaliter. Iuravit itaque fidelitatem domino nostro duci iuxta tenorem concessionis militum Crete, scilicet varnicionem, manifestacionem, capitulare obediencie et cetera. Hec igitur per nos et successores nostros rata et firma volumus perpetuo permanere. Sciendum est autem quod antedicte due serventarie obligate sunt Thomasine Abramo matri dicti Marini Abramo pro iperperis MC; que iperpera ipsa Thomasina solvit pro predicto Marino filio suo ad ipsas serventarias emendas; et sunt ipse pro signo et pignore suo quousque fuit soluta. Actum per manum Gerardi Vido presbiteri Sancti Vitalis et notarii, consenciente suprascripto domino Guido de Canale ducha Crete et eius consilio. Anno Domini MCCCIIIo, mense ianuarii, die primo, indicione secunda.