Ο δούκας Κρήτης Angelo Gradenigo παραχωρεί στην Maria κόρη του Giovanni Diedo μια καβαλαρία, η οποία ανήκε στον μακαρίτη πατέρα της. Για την εκτέλεση της varnitio θα φτόντιζε η μητέρα της, Giacomina.

Nos quidem Angelus Gradonico de mandato domini ducis Veneciarum duca Crete una cum nostro consilio manifestum facimus per nos et nostros successores, quia damus et concedimus tibi Marie filie Iohannis Dedi miliciam unam, que quondam fuit patris tui dicti, hoc est illam miliciam proprie, que erat ||pro|| persona tui patris, que milicia habet domum in civitate, in qua pater tuus dictus proprie habitaverat intus, cum habenciis et pertinenciis et villanis illi milicie in integram pertinentibus; pro qua milicia debes tenere unum militem ad ipsam defendendam cum equis, armis ferreis et scutiferis et aliis neccessariis, secundum modum et ordinem aliarum miliciarum; de quibus varnicionibus et omnibus necessariis et ordinamentis Iacobina mater tua sine aliquo tenore iuravit attendere et observare. Que omnia per nos et nostros successores firma et rata habere volumus. Data de mense madii, MCCXXXV, indicione VIIIa, per manum Proquardini nostri cancellarii.