O μακαρίτης Giovanni Diedo κατείχε δύο καβαλαρίες, η μία από τις οποίες περιήλθε στην κόρη του Maria και η άλλη στον Angelo Querini. Τώρα ο τελευταίος αμφισβήτησε ενώπιον των αρχών την οριοθέτηση των δύο καβαλαριών και ότι αυτή δεν είχε πραγματοποιηθεί ποτέ, ζητώντας να γίνει η απαιτούμενη η διαδιακασία. Οι αρχές αποφάσισαν ότι η οριοθέτηση είχε πραγματοποιηθεί και ήταν σωστή και ότι στη Maria κόρη του Giovanni Diedo ανήκει η καβαλαρία στην περιοχή του χωριού Κερατέα. Καταχωρίζονται η γη, η βουργεζία και οι βιλάνοι της εν λόγω καβαλαρίας που ανήκει στην παραπάνω Maria.

Cum nos Angelus Gradonico de mandato illustris domini ducis Veneciarum dux Crete una cum nostro consilio in palacio ducatus Crete resideremus ad iusticiam prestandam omnibus eam petentibus, venit quidem Angelus Quirino cum Iohanne Trivisano eius advocatore dicens et presens, ut de duabus miliciis quondam Iohannis Dedi de sexterio Dossoduro illam quam sibi dederamus pro cambio milicie sue de Lasyto ablate in comune ei daremus et designaremus et divideremus ab alia milicia filie Iohannis Dedi. Cum ille due milicie insimul erant et non erant divise, sicut in catastico manifestacionis facte per sacramentum per dictum Iohannem Dedo continebatur et taliter ex inde faceremus et diceremus quod ipse A. Quirino suam cognosceret et haberet miliciam. Altera vero pars, videlicet Benedictus Faletro avocator cum propinquis et amicis Marie filie Iohannis Dedi contendens dicebat quod nos supradictus duca cum nostro consilio dederamus Marie filie Iohannis Dedi miliciam illam quam primitus fuerat patris sui, quam ipse defenderat pro eius persona propria, et cum domo civitatis cum omnibus racionibus pertinentibus illi milicie et milicia de Keratea erat illa et bene erat divisa longe ab alia, sicut in scripto partitorum qui diviserant milicias a miliciis illius sexterii continebatur ordinatim; ad hec respondens Angelus Quirino cum suo dicto advocatore quod divisio non erat facta et quod partitores non fuerant ad dividendum milicias ab miliciis et in illo scripto, ubi dicebatur esse divisas, dicebat de supra confiniacio de Keratea, incipiendo singulariter milicia Iohannis Dedi et postea ad finem desubtus dicebat Panno Pastella, secundum confiniacione, unde insimul erant ambe; id circo rogabat, ut divideremus. Et alia pars iterum dicebat quod bene erat divisa et quod partitores plene fuerunt ad dividendum milicias a miliciis, ut in catastico continebatur et hec et alia multa utraque pars dicentes deprecarunt, ut sentenciam daremus; pro qua de causa visis et auditis racione utriusque partis et diligenter inspectis et habito consilio cum maxima deliberacione per illa que vidimus et intelleximus et eciam tam per excomunicacionem quam per alium modum varentatum nobis fuit, quod Iohannes Dedo primitus habuit miliciam de Kerathea et super illam fuit in propria persona et defenderat illam prima milicia, diximus per sentenciam diffinitivam quod Maria filia Iohannis Dedi debeat habere miliciam de Kerathea cum omnibus racionibus et pertinenciis dicte milicie de Kerathea et sic illi pertinere debeat in integrum, hec est prima milicia, et aliam miliciam dicti Iohannis Dedi quondam hec est postrema, sicut in catastico dicit postrema, dictus Angelus Quirino habere debeat et illi pertinere debeat quantum possessiones de foris pertinentes ipsi milicie sine domo de civitate et villanis. Data de mense septembris, indicione VIIIIa. Possessiones cuius kavalarie antescripte Marie filie Iohannis Dedi sunt iste pro milicia, silicet dela Kerathea. Casale nomine Kerathea, vinea modii XV et medietatem de Pulla, quod fuit scriptum cum Kerathea, paria bovium VIII. Item in casale nomine Partheni, quod confiniat cum Pulla, vinea modii XXX. Casale nomine Coridaki, paria bovium VIII cum suis pertinenciis. Domus et terram in civitate pro ista kavalaria, versus boream per longitudinem passus XL, et firmat in curia ecclesie Sancte Marie, versus austrum per longitudinem passus ***, ab uno capite versus ponentem passus ***, et firmat cum Thomasino Megeno. Commutavit istam domum et terram cum Natali Abramo, sicut infra continetur. De ista predicta domo habet Clarellus Dedo de terra vacua partem pro serventaria I, que confiniat versus ponentem cum Petro Sartore. Villani de prima parte et secunda. Quidam Pernicarius. Iohannes Catarmas. Michali Ambelicos. Manuel dela Carcariotissa. Vassili Farco. Iorci Alemati. Sciendum est quod predictus Pernicarius mortuus est et non habet filios. Debet habere cambium pro eo convenientem, consenciente domino Angelo Gradonico duca cretensi et suo consilio.