Oι Stefano Foscari, Giacomo Suriano και Marco Foscari υπογράφουν, για λογαριασμό του Angelo Stornato, εξοφλητική απόδειξη στον Μatteo Doto για απόδοση του κέρδους από την πώληση εμπορευμάτων που ο τελευταίος είχε λάβει από την Cecilia σύζυγο του Angelo Stornato, με σκοπό να τα πουλήσει.

Die suprascripto. Stephanus Fuscari, habitator in Candida, Iacobus Suriano de confinio Sancti Viti et Marcus Fuscari de confinio Sancte Margarite per νirtutem et potestatem unius commissionis cartule quam eis fecit Angelus Stornato olim de confinio Sancte Fusce, nunc habitator apud Sanctum Petrum de Orio, anno ab incarnacione eiusdem Domini nostri Ihesu Christi millesimo ducentesimo septuagesimo, die XV introeunte, indicione XIII, Rivoalto, ad excuciendum bona sua inter cetera et securitatis cartulas faciendi, fecerunt securitatem Matheo Doto de confinio Sancti Nicolai de I securitatis cartula vigore et robore testata et roborata, facta anno ab incarnacione Domini nostri Ihesu Christi millesimo ducentesimo LXVI die XI exeunte, mense augusti, indicione nona, Rivoalto, quam Cecilia Stornato de confinio Sancte Fusce fecit cum suis heredibus suprascripto Angelo Stornato, viro suo, de eodem confinio et suis heredibus de I manifestationis cartula testata et roborata, facta anno ab incarnacione Domini nostri Ihesu Christi millesimo ducentesimo LXII, mense augusti, indicione V, Rivoalto, qua manifestum fecit quia recepit cum suis heredibus a suprascripta Cecilia, uxore suprascripti Angeli Stornato, de confinio Sancte Fusce et suis successoribus tantum de suis mercimoniis quod computavit sibi libre denariorum venecialium XXXII ad denarios grossos, cum quibus debebat negociari ad suam fortunam per terram et per aquam portando, mandando, laxando et recipiendo totum vel partem de ipso habere ubicumque sibi bonum videretur, secundum licenciam domini ducis et consilii ex tunc in antea usque Pasce Domini Resurrectionis primo venturum et inde ad unum annum et cetera, ut in ea legitur. Nunc autem quia ipse de quantocumque continetur et legitur tam in suprascripta securitatis cartula vigore et robore quam in predicta manifestacionis cartula eiusdem vigoris et roboris paccavit et per se deliberavit, a modo igitur in antea semper inde securus et quietus permaneat imperpetuum et cetera, ut confessi sunt. Testes Petrus Taliapetra et Petrus Ieremia. Complere et dare. Evacuantes ipsas cartulas cum omnibus exemplis suis, ut nullius sint valencie vel vigoris.