Ο δούκας Κρήτης Giacomo Delfino παραχωρεί στον Leonardo [Gentile] da Canova μισή καβαλαρία από την καβαλαρία του Marino Barastro με τη συγκατάθεση του τελευταίου. Ο νέος ιδιοκτήτης απαλλάσσεται από την εκτέλεση της varnitio για δύο χρόνια. Καταχωρίζεται η βουργεζία της μισής καβαλαρίας στον Χάνδακα.

Nos Iacobus Delfino duca Crete cum nostro consilio et successoribus nostris manifestum facimus, quia de voluntate Marini Barastro dedimus et concessimus Leonardo da Canova possessiones antedictas, que fuerunt milicie ipsius Marini Barastro, pro media milicia, quam tenetur defendere personaliter. Verumtamen a festo Natalis Domini proximo venturo in antea usque ad duos annos complectos nullam inde defensionem seu varnicionem facere debet. Hec igitur per nos et successores nostros rata et firma volumus perpetuo permanere. Data anno ab incarnacione Domini nostri Ihesu Christi MCCLX, die IIIo intrante, mense decembris, indicione IIIIa. Domus et terra in civitate pro antedicta media milicia, quam sibi predictus dominus duca assignavit in civitate de domibus comunis, firmat super viam publicam, habet per longitudinem passus VIII versus ponentem, item versus levantem passus VIII, et firmat in muro comunis, super quo muro habet potestatem laborandi tam ipse Leonardus quam comune, versus boream habet per latitudinem passus tres pedem I÷, et firmat in muro comunis super quo habet potestatem laborandi tam ipse quam comune, versus austrum habet passus tres, pedem unum et dimidium et firmat similiter in muro comunis super quo habet potestatem tam ipse quam comune laborandi.