Ο δούκας Κρήτης Andrea Zeno παραχωρεί στον Vitale Abramo τον νεότερο μια καβαλαρία, την οποία είχε αγοράσει από την Tommasina, Maria και Margarita, κόρες του μακαρίτη Raffaele Barberio.

Consenciente domino Andrea Geno duca Crete et eius consilio Thomasina, Maria et Margarita filie quondam Raphaelis Barbero per virtutem et potestatem unius furnicionis carte testate et roborate, facte anno ab incarnacione Domini nostri Ihesu Christi MCCLXVIIIo, mense decembris, die XIIIIo intrante, indicione XIIa, Candide, insule Crete, per quam inter cetera iudices habito diligenti consilio per legem et iudicium suprascriptas Thomasinam, Mariam et Margaritam filias dicti Raphaelis Barbero fecerunt furnitrices testamenti suprascripti Raphaelis Barbero patris sui defuncti, sicut in sui testamenti carta ipsius patris sui defuncti plenius continetur, videlicet de omni eo quod perfurnita non fuerat secundum usum dederunt et vendiderunt sive transactaverunt Vitali Abramo minori cavalariam unam, que quondam fuit Raphaelis Barbero defuncti patris sui, cuius milicie sergentarie quatuor sunt de sexterio Doxiduro, quarum una fuit Menigi Istriano, altera Tervisii de Orlando, tercia Gerardi de Pontremolo, quarta Pauli Violato, relique due sunt de sexterio Sanctorum Apostolorum, una quarum fuit Iohannis filii quondam Almerici Longo, altera Martini de insula Ystriano de Camaris cum omnibus habenciis et pertinenciis et villanis. Actum anno Domini MCCLXVIII, mense ianuarii, die IIIo intrante, indicione XIIa.