Ο δούκας Κρήτης Andrea Dandolo παραχωρεί στον Pietro Simone μια σερβενταρία, την οποία είχε αγοράσει από το δημόσιο. Η σερβενταρία ανήκε στον Valfredo Francesco και είχε περιέλθει στο δημόσιο επειδή είχε συμμετάσχει στην επανάσταση των Χορτάτζηδων.

Cum nos Andreas Dandulo ducha cretensis invenissemus sergentariam suprascriptam, quam habebat Valfredus Franciscus, in nostrum esse comune devolutam pro eo quod dictus Valfredus dominacioni simul cum Curtaciis contrarius extitit et rebellis et de insula cum eis recessit, ipsam sergentariam vendidimus Petro Simeoni cum omnibus habenciis et pertinenciis suis et villanis pro precio iperperorum nonaginta, que iperpera dictus Petrus integre persolvit camere nostri comunis, unde nos ducha cum nostro consilio damus et concedimus suprascripto Petro Simeoni et eius heredibus suprascriptam sergentariam, prout eam sibi vendidimus, ut superius continetur. Ipse quoque tenetur eam defendere vel defendi facere simul cum alio feudo suo. Iuravit itaque fidelitatem domino nostro duci et concessionem militum, prout consuetudo curie Crete requirit. Hec igitur per nos et successores nostros rata et firma volumus perpetuo permanere. Actum anno MCCLXX nono, {mense ianuarii} die IIIo intrante, mense ianuarii, indicione VIIIa.