Ο δούκας Κρήτης Albertino Morosini παραχωρεί στον Rizardo gastaldio ripariorum μια σερβενταρία, η οποία ανήκε στον Nicola Raguseo και είχε περιέλθει στο δημόσιο λόγω μη εκπλήρωσης της varnitio.

Nos Albertinus Mauroceno ducha Crete cum nostro consilio damus et concedimus Riçardo gastaldioni ripariorum curie nostre et eius heredibus serventariam suprascriptam, que fuit Nicolai Raguseo, et modo devoluta erat in nostro comune pro defectu varnicionis. Et nos per virtutem nostre commissionis continentis ut feuda in nostro comune devoluta personis aliis que possint ea servire concedere debeamus. Id circo dictam serventariam supradicto R. concessimus cum habenciis et pertinenciis suis omnibus et villanis, operibus suis bonis per eum nostro comuni inpensis exigentibus, quem nostro tempore legalem invenimus et fidelem. Ipse vero tenetur eam servire personaliter. Iuravit fidelitatem domino nostro duci, concessionem et cetera. Actum anno MCCLXXXVIIII, mense iulii, die XV intrante, indicione IIa.