Ο δούκας Κρήτης Giovanni Belegno παραχωρεί στον Andrea Corner του Tommaso δύο σερβενταρίες, τις οποίες είχε αγοράσει από τον Pietro Lambardo Barberio.

Nos Iohannes Belligno duca cretensis cum nostro consilio damus et concedimus Andree Cornario filio quondam Thome Cornario et heredibus eius sergentarias duas predictas, que fuerunt olim Bartholomei Maçapenta, quas Petrus Lambardo Barberius, gener ipsius Bartholomei defuncti eidem Andree Cornario vendidit cum omnibus suis habenciis et pertinenciis omnibus et villanis. Ipse vero tenetur eas defendere personaliter. Iuravit itaque fidelitatem domino nostro duci Veneciarum secundum tenorem concessionis militum, varnicionem, manifestacionem, capitulare obediencie et cetera capitula, prout consuetudo curie cretensis requirit. Hec igitur per nos et successores nostros rata et firma volumus perpetuo permanere. Actum anno Domini MCCLXXI, mense octubris, die IIo exeunte, indicione XVa.