Ο Pangrazio Tonisto νοικιάζει στον Filippo Tonisto, γιο του Adamo, ένα αμπέλι, έκταση γης και έναν κήπο για δύο χρόνια.

Die. Pangracius Tonisto, habitator in Candida, dedit et concessit atque affictavit Phylippo Tonisto, filio quondam Adam Tonisto, habitatori in casali Cato Archano, unam suam peciam vinee, positam in casali Panno Spartido, pro tribus vindemiis habendis ad medietatem, quam debet sapare, lakiçare, çirpire, scafiçare et catavoliçare et bene et perfecte laborare et in culmine retinere, et illam peciam terre, quam ibi habeo a fontana usque ad risam, et sochorum, qui est in capite sochori domini Marci Cornarii, et iardinum, positum prope dictam fontanam ad medium, de omnibus que de ipso iardino et fructuario eiusdem extrahet et habebit, a modo usque ad kalendas octobris proxime venturas et inde usque ad II annos completos ad reddendum a kalendis suprascripti mensis octobris in antea omni anno pro terçaria dicte sue terre, hic in dicta Candida in domo sua, eius omnibus expensis conductas, mensuras boni frumenti cretensis XXVIIII et mensuras boni ordei cretensis V. Et e converso idem Phylippus facit similem cartulam eidem. Pena inde XXV yperperorum pro unoquoque. Testes presbiter Iacobus, Marinus Grasso, Marcus Flabani et Pascalis Faber. Dare et complere. Solvere. Set, non de toto.