Οι σύμβουλοι Κρήτης Pietro Vidal και Dardo Contarini παραχωρούν στον Κατερίνο Γιαλινά του ποτέ Γεώργιου μια σερβενταρία, την οποία είχε κληρονομήσει από τον πατέρα του.

Nos Petrus Vitale et Dardi Contareno consiliarii et rectores Crete, domino ducha infirmante, cum successoribus nostris damus et concedimus Katerino Iallina filio quondam predicti Georgii Iallina et eius heredibus predictam sergentariam, que fuit et scripta est infra dicto patri eius, cum habenciis, pertinenciis omnibus et villanis secundum formam testamenti predicti patris. Quam quidem ei concessimus in numero illius medie kavallarie que eidem Katarino concessa est per illustrem dominum nostrum ducem et eius consilia Minus, Rogatorum et XL, quod possit habere et tenere sicut alii feudati Crete, secundum quod ipse dominus noster dux nobis dedit per suas litteras in mandatis. Tenetur ipse Katarinus dictam serventariam defendere personaliter. Iuravit fidelitatem domino nostro duci, nobis et successoribus, et capitulare varnicionis et obediencie et concessionis secundum usum. Ego Iacobus de Iordano notarius et cancellarius hec scripsi de mandato predictorum dominorum consiliariorum et rectorum. Anno ab incarnatione Domini nostri Ihesu Christi MCCCXIIII, mense decembris, die *** intrante, indicione XIIIa.