O Giacomo Zuliano και ο Matteo Trevisano διεκδικούν τον βιλάνο Νικήτα Δουριώτη. Μετά την εξέταση των μαρτύρων, ο βιλάνος κατακυρώθηκε στον Giacomo Zuliano και στις πέντε σερβενταρίες του στο σεξτέριο του Αγίου Παύλου.

Cum inter Iacobum Iuliano ex parte una et Matheum Trivisano ex altera coram domino Albertino Mauroceno duca Crete et eius consilio questio verteretur super uno villano nomine Nicheta Duriotis, quem dictus Iacobus dicebat fuisse filium quondam Costantini villani eius cognomento Duriotis sue milicie de Gerapetra, qui bone memorie Stephanus Iustiniano tunc duca cretensis cum suo consilio eidem Matheo dederat salva racione omnium. Et Iohannes Bono ex adverso se opposuisset dicens eumdem villanum fuisse filium Costantini Odriotis villani sue milicie. Auditis que dicta sunt, hinc inde introductis testibus examinatis et publicatis, quia probatum extitit ipsum villanum fuisse filium Costantini Duriotis predicti et per Iordanum Signolo racione prefate milicie Girapetre possessum eum eidem Iacobo Iuliano sentenciando dederit. Actum anno MCCLV, die XVIII intrante, mense februarii, indicione XIIIIa. Iste villanus modo scriptus est super sergentariis V Iacobi Iuliano de sexterio Sancti Pauli, sicut ibi continetur, et ex alia parte istius folii.