O δούκας Κρήτης Nicola Sanudo παραχωρεί στον Pietro Mudazzo του Giacomo δυόμισι σερβενταρίες, οι οποίες ανήκαν παλαιότερα στον Nicola da Pontremolo και τις οποίες είχε αγοράσει σε δημόσιο πλειστηριασμό.

Nos Nicolaus Sanuto ducha Crete cum nostro consilio et successoribus nostris notum facimus universis presentem paginam inspecturis, quia cum esset neccesarium vendi predictas duas sergentarias et dimidiam quondam Nicolai de Pontremulo pro solvendo *** relicte ipsius Nicolai pro sui diiudicatus carte, nos ipsas sergentarias fecimus publice incantari, facta prius de ipsis stridacione iuxta morem stridacionum, et per ipsum incantatum fecimus deliberari easdem Petro Mudacio filio quondam Iacobi Mudacio pro iperperis CLXIII cum omnibus suis habenciis, pertinenciis et villanis, salva tamen affictacio Çanete Capello, ut continetur in sententia suprascripta. Ipse namque Petrus ipsas serventarias defendere et varnire debet. Iuravit fidelitatem domino nostro duci Veneciarum, nobis et successoribus nostris, capitulare guarnicionis et obediencie et cetera capitula, prout consuetudo curie Crete requirit. Quare predicta per nos et successores nostros sibi rata et firma volumus permanere. Actum Candide, anno MCCCX, mense octubris, die XVIIIo intrante, indicione VIIIIa, ego Egidius de Iordano diaconus Sancti Geminiani et notarius de mandato predicti domini duche et sui consilii scripsi.