Με την άδεια του δούκα Κρήτης Tommasino Giustinian, η Tommasina σύζυγος του Tommaso Marco νοίκιασε στον Angelo Belli για έξι χρόνια την καβαλαρία του συζύγου της.

Nos Thomasinus Iustinianus duca Crete cum nostro consilio memoriam facimus, quod Thomasina uxor Thome Marco per virtutem commissionis predicti viri sui de nostro asensu et voluntate dedit et concessit Angelo Belli miliciam eiusdem viri sui, quam habet in Creta, sicut patet per quamdam concessionis cartam ex inde factam, a kallendis mensis novembris per indicionem X ad sex annos. Ipse vero Angelus Belli tenetur defendere eamdem miliciam personaliter et varnire sub debito iuramenti ac nostris obedire preceptis. Hec igitur per nos et successores nostros rata et firma volumus permanere. Data per manum Blasii Baronci primicerii Sancti Marci Crete, nostre curie cancellarii. Anno Domini MCCLI, mensis novembris, indicione suprascripta.