O Nicola de Pontremolo νοίκιασε για 29 χρόνια στον Angelo Tommaso Barberio δύο κατοικίες στον Χάνδακα, καταχωρισμένες στη μιάμιση σερβενταρία που κατέχει στο χωριό Βάρι, έναντι ενοικίου τριών υπερπύρων το χρόνο. Εγκρίνει ο δούκας Κρήτης Guido da Canal.

Nicolaus de Potremolo habitator Candide cum suis heredibus dedit, concessit et affictavit Angelo Thome Barberio habitatori in eadem Candida et suis heredibus illas suas duas domos prostratas, quas olim tenebat papas Nichiforus Casturo, hic in civitate Candide positas, que sunt de iure unius serventarie et dimidie suprascripti Nicolai delo Vari, a die penultimo mensis octubris nuper preteriti de secunda indicione usque ad annos XXVIIII proximos venturos cum plena virtute et potestate intromitendi, habendi, tenendi, possidendi, laborandi, habitandi, affictandi, disfictandi, affictum inde recipiendi et omnes suas utilitates in eis et ex eis, sicut ei magis placuerit, faciendi usque ad suprascriptum terminum, nemine sibi contradicente. Ipse Angelus tenetur dictas domos aptare et reparare facere suis expensis easque in culmine manutenere et conservare, et pro affictu earum debet per se vel per suum missum dare et solvere dicto Nicolao vel suo misso annuatim in principio cuiuslibet anni iperpera in Creta currentia tria sub pena dupli pro quolibet termino. Et iam dictus Angelus dedit et persolvit ipsi Nicolao iperpera VIIII pro affictu dictarum domorum pro tribus annis proxime venturis. Item dictus Nicolaus tenetur defendere et manutenere a quolibet geto et servicio signorie et quacumque persona alia, que de eis velet molestare dictum Angelum. Complecto termino suprascripto tenetur dictus Angelus dictas domos refutare in culmine ipsi Nicolao, secundum quod patet in una manifestacionis carta, quam idem Nicolaus de Potremolo fecit suprascripto Angelo, de suprascripta affictacione. Sciendum est autem, quod suprascripta affictacio seu concessio dictarum domorum in aliquo non debet tenere seu valere contra iura comunis, quando signoria non posset habere regressum super ipsas domos de suis racionibus. Actum consenciente egregio viro domino Guidoni de Canale ducha Crete et eius consilio. Anno Domini MCCCIIII, mensis madii, die V exeunte, indicione secunda.