Οι κατανεμητές Marino Barbarigo, Francesco da Molin και Nicola Abramo με εντολή του δούκα Κρήτης Andrea Dandolo καθόρισαν τα όρια των ιδιοκτησιών του Antonio Gradenigo στο χωριό Παρθένι και του Marino Vido στο χωριό Μακρή Λιβάδα, το οποίο είχε νοικιάσει από τον λατίνο πατριάρχη Κωνσταντινούπολης.

Cum questio verteretur coram nobis Marino Barbadigo, Francisco de Molino et Nicolao Abramo, ex precepto domini duche suique consilii partitoribus, inter nobiles viros Antonium Gradonico pro una parte et Marinum Vido pro altera super divisionem milicie de Partheni dicti Antonii et Macri Livadia casalis domini patriarche, quem tenet ad affictum dictus M. Vido, nos personaliter accedentes ad locum audivimus, inquisivimus et diligenter intelleximus que partes proponere ac dicere voluerunt, ubi per dictum M. Vido comparvit sententia I facta per egregium virum dominum Andream Dandulo olim consiliarium Crete ac eciam confirmata per viros nobiles dominos Marcum Michiel et Michaelem Moroceno olim consiliarios Crete. Ad certitudinem questionis fecimus iurare partes et diximus predicto domino M. Vido, quod deberet nobis sub debito iuramenti ostendere confinia seu signora, que continebantur in sententia ipsa, et ipse ostendit ea nobis, et dominus Antonius fuit contentus, quod bene erat sic signora et confinia, ut ostenderat predictus M. Vido et ut in sententia continebantur, et hec sunt illa signa. Incipit da petromandra et ascendit versus austrum lo armin armi usque armi qui descendit de supra vobulum, et descendit versus partem borree de Paralimni et descendit in caput delo livadi de armi valuri et ascendit versus ponentem in petrokefalla, item inclina versus boream et passa in petromandra, ubi incepimus. Unde nos partitores diximus concorditer, quod suprascripta signa et scripta sunt in sepedicta sententia sic stare et esse debeant et, ut de cetero questio sive dubitacio esse non possit in signis predictis volumus quod dominus Antonius facere debeat massam sive cogencio de lapidibus ad manum super vobulum, item altera alo Paralimni, item supradictus M. Vido facere debeat unam super petrokefalla, item aliam in petromandra infra mensem unum predictum laborerium fieri debeat. Actum, consenciente domino Andrea Dandulo duca Crete et eius consilio, anno Domini MCCLXXXXIIIIo, mense augusti, die IIII intrante, indicione VIIa.