Ο Messoro Suriano νοικιάζει στον φουρνάρη Marco Pancogolo έναν μύλο για ένα χρόνο.

Solvit Die XV intrante. Die XV intrante. Quia tu Messorus Surianus habitator Candide cum tuis heredibus dedisti et cessisti atque affictasti michi Marco pancogolo habitatori in eadem Candida et meis heredibus tuum mollendinum de Placha, cum suis omnibus habentiis et pertinentiis a modo usque ad unum annum complectum, cum plena virtute et potestate intromittendi, habendi, tenendi et cetera, secundum usum, manifestum facio ego suprascriptus Marcus cum meis heredibus tibi suprascripto Messoro et tuis heredibus quia pro affictu ipsius molendini tibi dare et solvere debeo omni mense usque ad suprascriptum terminum yperpera quatuor, sub pena dupli. Sciendum tamen est quod si Marcus Saracenus veniret Candidam, tu statim post primam requisitionem ipsum molendinum michi cum predictis habenciis et pertinenciis refutare teneris, omni occasione remota. Teneris itaque dictum mollendinum ad meas omnes expensas manutenere, conservare et inculmine conservare et ipsum molendinum tibi inculmine reffutare. Et hec sub pena yperperorum X. Rogatus complere et dare. Testes Iohannes Agapito notarius et Michel Truno.