Ο ράφτης Pasquale de ser Oto αναλαμβάνει να εργάζεται στο εργαστήρι του ράφτη Giovanni Osbrogerio μέχρι το Πάσχα, με αμοιβή 40 grossi.

Die eodem. Manifestum facio ego Pasqualis de ser Oto sartor habitator Candide tibi Iohanni Osbrogerio sartori habitatori Candide, quod amodo usque ad festum Pasce Domini Resurexionis proxime venturum stare et laborare debeo te in stacione tua de die et de nocte quocumque diebus laboratoriis et facere omnia illa laboreria que tu michi dederis ad laborandum. Et si recessero aliquo die vel nocte laboratoriis ad tuo laborerio, quod debeam tibi dare et emendare pro pena pro qualibet die vel nocte grossos .II. Tu vero debes michi dare pro meo soldo de toto isto tempore grossos .XL., silicet medietatem yperperorum incontinenti et aliam medietatem completo termino suprascripto. Sub pena yperperorum .V. Testes presbiter M[arcus]. Venerius et Franciscus Çapani et Nicolaus de Firmo. Complere et dare. Solvit.]