Περίληψη
Ο καταλανός Bernardo Rubeo βεβαιώνει τον Guglielmo de Castro Vetere και τον Bernardo de Turre Vetere , επίσης καταλανούς, ότι παρέλαβε τις 114 ½ λίβρες denariorum barchalonensium και τα 10 saudi, το συνολικό δηλαδή κεφάλαιο που είχε επενδύσει σε colleganza και commenda που είχε συνάψει μαζί τους για ταξίδι στην Κρήτη και την Κύπρο, καθώς και το κέρδος από την επένδυση αυτή.
Κείμενο
Die eodem. Plenam et irrevocabilem securitatem facio ego Bernardus Rubeus, catellanus civis et habitator Barchelone cum meis heredibus, vobis Guilielmo de Castro Vetere et Bernardo de Turre Vetere, catellanis civibus et habitatoribus antedicte Barcellone et vestris heredibus, de illis libris denariorum barchalonensium CXIIII÷ et saudis X barchalonensium, que et quos a me habuistis in commandariam et coliganciam in viatico quod facere debebatis in Candidam insulam Crete et in Ciprum, prout apparet per publicum instrumentum factum manu Francisci de Turi notarii publici Barchole et de omni lucro quod michi posset evenire de suprascriptis libris CXIIII÷ et saudis X. Nunc autem quia vos de suprascriptis libris CXIIII÷ et saudis X et eorum lucro me bene et perfecte appacastis et integre deliberastis, amodo igitur in antea vos securos reddo imperpetuum et quietos quia nichil de hiis omnibus inde remansit unde vos ampplius requirere seu compellere valleam per ullum ingenium sive modum atque fraudem. Insuper suprascriptam manifestacionis cartam per vos inde michi factam de suprascriptis libris et saudis quam fecit suprascriptus Franciscus de Turi publicus notarius in omnibus et per omnia evacuo et anichilo cum omnibus suis exemplis, ita quod nullius valloris et vigoris permaneat imperpetuum et cetera. Sub pena consueta et cetera, firmo. Testes Iohannes de Raynaldo et Nicolaus de Misina et Petrus Barbadico.
