Ο Θεοδόσης Τρουλινός καθιστά ελεύθερο για 29 χρόνια τον βιλάνο Γεώργιο Ροδάκινο και τους απογόνους του, με την υποχρέωση να διαμένουν στο χωριό του ονόματι Γούβες και να καλλιεργούν τη γη του.

Die eodem. Manifestum facio ego Theodhosi Trulino, habitator in Cato Sivrito, cum meis heredibus, tibi Georgio Rodhachino, vilano meo, habitatori in meo casali nomine Guva et tuis heredibus, ac notum vollo fieri universis presentem paginam inspecturis quia ob Dei reverenciam et amorem ac pro meorum remissionem peccaminum et quia nutriri debes filios meos naturales privinios tuos, considerans esse opus maxime pietatis servos a servitute liberare, facio te cum tuis heredibus liberum et francum amodo usque ad XXVIIII prius venturos ab omni dacio, tello, angaria, canischos et quolibet alio vinculo servitutis quo michi hactenus subiacuisti vel deinceps subiacere debebas. Ita amodo usque ad complementum suprascriptorum XXVIIII annorum liber stes et habites, ambules, nec alicui liceat te subiecionis vinculo usque ad complementum dicti termini subiugare. Tu et tui heredes vero stare et permanere debetìs in meo casali et laborare in terris meis toto suprascripto tempore. Sub pena yperperorum X et in sua permaneat firmitate. Testes Nicolaus de Misina et Daniel Greco.