Περίληψη
Ο γενουάτης Salvatore da Sera, ο Giovanni Zacharia και ο Giovanni Veneziano ναυλώνουν στους Andrea Bondemiro, Giovanni da Pesaro, Franscesco Quintavalle, Pietro da Molino και Fereto Verzio μια tarita ονομαζόμενη «San Nicola» για τη μεταφορά προϊόντων από την Κρήτη στην Κύπρο, στα λιμάνια της Λεμεσού και της Αμμοχώστου.
Κείμενο
Die ultimo. Manifestum facimus nos Salvator de Sera ianuensis habitator in Caifas, Iohannes Çacharia habitator Ianua et Iohannes Venecianus condam filius Petri Veneciani habitator in Constantinopoli quia in Dei et Christi nomine nauliçamus vobis Andree Bondemiro de confinio Sancti Pantaleonis, Iohanni de Pessaro de confinio Sancte Fosce, Francisco Quintavalle de confinio Sancti Iohannis Novi, Petro de Molino de confinio Sancti Iervasii et Fereto Verçio de confinio Sancte Trinite unam nostram taritam nomine Sanctus Nicolaus, que nunc est in portu Candide ad eundum de Candida in Ciprum in civitatibus nomine Limisso et Famagosta, Domino concedente, cum infrascriptis pactis et condicionibus. Primis debemus vobis dare dictam taritam bene aptatam, ornatam et preparatam de omnibus suis coredis et marinariis. In qua nostra tarita ponere debetis vaxilos olei CLXXXX firmos et milliaria XXX aliorum mercimoniorum ponderis que volueritis. Quos vaxilos olei et suprascripta vestra mercimonia debemus vobis caricare cum nostris mari¬nariis et barchiis, dando vos ea nobis supra portum Candide. Et non debemus levare aliqua alia mercimonia alicuius in dictam taritam, nisi primo vestra erint caricata. Et caricatis vestris mercimoniis, si peterimus plus levare et vos volueritis illud plus ponere, debemus ipsam vobis et levare, alioquin possimus ipsam nauliçare cui voluerimus. Debemus receddere de portu Candide ad eundum recte in dictum viaticum, Domino concedente, usque ad diem dominicam proximam, sexto intrante mense marcii proximo venturo debemus capere in Limisso et ibi vos expectare debemus tres dies. Si volueritis disca¬ricare partem vel totum de vestro carico, debemus illud vobis discaricare et cum residuo dicti vestri carici debemus ire in civitatem Famagoste et ibi et discaricare totum residuum vestri carici. Vos vero debetis dare et solvere nobis pro naulo suprascriptorum vaxielorum olei bisancios duos et dimidium saracenatos pro quo-libet vaxilo, ita quod quilibet bisancius sit turonensium grossorum VII argenti. Et pro naulo suprascriptorum vestrorum milliarium debetis nobis solvere simile naullum sicut de suprascriptis vaxielis olei in providencia trium bonorum hominum elletorum per vos et per nos. Quod naulum nobis solvere debetis in Limisso et in Famagosta, ubi discaricabunt. Sub pena dicti nauli in duplo. Et e converso fieri debet suprascriptis patronibus et cetera. Testes Simeon Marcello et Nicolaus de Misina. Complere et dare. Vicedominus N. Maistrorso vel Franciscus Paradiso.
Solvit.
